Mizoram tan gold medal la

India ram pum huap inelna 39th National Junior Taekwondo Cham-pionship-ah, Mizoram aiawha feh chhuakten gold medal leh bronze medal pakhat ve ve an hlawh chhuak a ni.

Inelna hi February 3-5 chhung khan Visakhapatnam-ah buatsaih a ni a, gold medal hi Pansy Rampanzeli leh Joseph Vanlalpekhlua ten 'Poomsae Pair' inelnaa an lak a ni. Pansy hian Individual inelnaah bronze medal a la tel bawk.

Championship-ah hian Mizoram aṭanga kal C. Lalzuitluanga chu Best referee of the Tournament atan thlan a ni bawk. State hrang hrang 32 bakah services team ten inelna hi an hmachhawn a, Mizoram Amateur Taekwondo Association chuan player pariat an tir.