Djokovic tan record thar a hnai zel

Novak Djokovic chuan world number 1 ni rei thei dinhmun a hnaih ta hle, tennis player piang tawh zinga number 1 ni rei ber chu Steffi Graf-i a ni a, ani hi chawlh kar 377 chhung a chung berah a awm.

Mipa bikah chuan Djokovic hi a chungnung ber a ni sa. Tun kara ranking chhuak tharah pakhatna a ni a, a chung berah hian kar 375 chhung a awm dawn ta a, mipa leh hmeichhe chhiar kawpa record rei ber tluk turin kar hnih a la mamawh.

Serbian star hian January thla tawp khan a vawi 10 nan Australian Open nomawi a chawi. Grand Slam nomawi 22 a nei tawh a, record nei ṭha ber Rafael Nadal nen an intluk mek, ranking leh nomawi lian tham chawi hnem lama mellung pawimawh phun turin a dinhmun a ṭha hle.