Lunglei-ah Referee Development Course

Nimin khan MFA Referee Development Course chu DRDO Confe-rence Hall, Lungleiah MFA sr vice president PC Vanlalhruaia'n a hawng a, ani hi MFA referee committee chairman a ni.

Lungleia Referee Development Course-ah hian Lunglei (21), Hnahthial (8), Siaha (7) leh Lawngtlai (3) District te an tel a, district pali aṭang hian mi 39 zet an tel thei a ni. Ni hmasa pathumah hian DRDO Conference Hall-ah theory an zir ṭhin ang a, tlai tin C. Ṭhuamluaia mualah practical an training ṭhin ang. February 10, Zirtawpni zingah Lena Stadium-ah fitness test leh written test an exam dawn.

Referee Development Course hi Aizawlah January thla tawp khan neih a ni tawh a, Khawzawlah February 21-24, 2023 hian Khawzawl, Saitual leh Champhai District te tan buatsaih tumin ruahmanna siam a ni bawk.