Match hmasaah Mirza te an chak lo

Sania Mirza tan tennis hun hnuhnung a thleng chho mek a, tournament a khelh apiang chu a tawpna a ni zel tawh. Abu Dhabi Open-ah Mirza hi Bethanie Mattek-Sands en an inkawp a, an match hmasa berah an chak lo nghal.

India hmeichhe tennis player zinga thleng sang ber, doubles huanga world number 1 hial pawh ni tawh Mirza leh a ṭanpui hi Kirsten Flipkens leh Laura Siegemund te inkawp lamah 3-6, 4-6 in an chak lo.

February 19 aṭangin Dubai-ah WTA1000 event a awm dawn, he tournament hi Sania Mirza tan tennis inelna a hmachhawn hnuhnung ber a ni dawn a, tun thla chhungin inkhelh a chawlhsan fel hman dawn tihna a ni.

Kum 36 mi Mirza chuan "Tennis ka khelhna a rei tawh, kum 2003 aṭang khan professional tennis ka khel tawh, chuvangin hun tawp lam han thlen meuh chuan a lunglenthlak nghal hle," a ti.