Team nei duh tana hriat tur pawimawh

Mizoram Football Association leh Reliance Foundation ṭang kawp chuan kum 21 hnuai lam player inelna Reliance Foundation Development League chu Mizoramah an buatsaih dawn.

Inelna hi Aizawlah March aṭanga khelh tur a ni a, team paruk tan chauh hmun a awm.

• MFA leh DFA hnuaia registered club tan a dil theih.
• Dilna form hi Rs 100 a ni a, MFA Office, City Park-ah a lakchhuah theih. February 10 tlai dar 4:00 hmaa thehluh tur a ni.
• Inelna hi Under 21 inelnaa kalpui tur a ni a, chutihlaiin Under 23 player pathumte playing XI-ah an tel thei thung ang.
• Under 21 player hi January 1, 2002 leh chumi hnu lama piang chin pawm an ni a, Under 23 player-ah hian January 1, 2000 leh a hnu lama piang chin an tel thei ang.
• Kum dik taka kalpui tur a ni a, original birth certificate endik tur a ni ang.
• Squad-ah hian mi 40 aia tam lo ziah luh theih a ni a, Under 23 player hi 10 aia tam an awm thei lo. Inkhelh niah (match day squad) U23 mi panga ziah luh theih a ni a, pathum aia tamin a rualin an khel thei lo thung.