Belgium coach thar Tedesco

Hun rei tak chhung world number 1 lo ni tawh Belgium chuan coach thar an nei, a hming chu Domenico Tedesco niin kum 2024 European Championship thleng daih inremna an ziahpui.

Kum 37 mi Tedesco hian tun hmain Schalke, Spartak Moscow leh RB Leipzig te a lo enkawl tawh, team kaihhruai kawngah chuan sulhnu a nei ṭha angreng hle. Kum ruk zet Belgium enkawl tawhtu Roberto Martinez a thlak ang.

Tedesco chuan, "Belgium coach ka nei thei hi ka lawm, inbiakna hmasa ber aṭang khan ka phur nghal em em a ni. Hma thlir thui tak kan nei dawn, chumi tih-hlawhtlin tum chuan tha kan thawh dawn a ni," a ti.

Belgium hian Euro 2024 qualifier atan March 24 hian Sweden an hmachhawn dawn, he inkhel hi coach thar Tedesco kaihhruaina hnuaia an match hmasa ber a ni ang.