Muani-a'n Frankfurt a chakpui

German Cup last 16-ah France international striker Randal Kolo Muani-a'n goal hnih a khung a, Eintracht Frankfurt-in Darmstadt 2-1 in an hneh.

Deutsche Bank Park-ah mualneitu Frankfurt an Muani hian minute rukna lekah goal a khung a, Darmstadt-in Mathias Honsak goal hnih hmangin an lehthal.

Frankfurt-in first half tawp hma hretin Rafael Santos Borré hmangin siphurh an sut hman a; hun chanve chawhnu lamah Daichi Kamada leh Kolo Muani ten an khung belh.

FIFA World Cup final-ah Muani hian Argentina tlarhnung tana harsatna a siam tam avangin Europe club lian zawkin an ngaihven. Kum 24 mi striker hian Bundesliga-ah goal kua a khung tawh a, tun season inelna hrim hrimah goal 14 a khung tawh bawk.

English club lian Manchester United leh Liverpool te pawhin Muani hi an ngaihven nia sawi a awm a, Frankfurt hian thlasik bazarah khan euro mataduai 80 vel chhiar mah se French forward hi a chet ṭhat miau avangin nipui bazarah chuan la chhuak turin euro maktaduai 100 a ngai tawh hial ang.