Vawiin aṭangin Border-Gavaskar Test series

India leh Australia chuan vawiin aṭangin Border-Gavaskar Test series an khel ṭan dawn. Test match hi vawi li khelh tur a ni a, hmasa ber hi Nagpur-ah khelh a ni ang.

World Test Championship 2021-2023 final-a in vaw tling turin Rohit Sharma hote tan tun ṭum Test match hi a pawimawh hle. WTC point table-ah India hi pahnihnaah an awm mek a, Aussies hi chiang taka an hneh thei a nih chuan final an khel thei dawn.

Men in Blue hi T20 leh ODI ranking-ah pakhatna an ni mek a, Australia hi 2-0 emaw a aia tam emawa an hneh thei a nih chuan Test ranking-ah pawh pakhatna an ni thei ang. Kum 2014 khan South Africa chuan cricket inelna pathumah hian ranking-ah pakhatna an ni vek a, India pawhin Proteas record tlukpui theihna hun ṭha an nei a ni.