Vawiin aṭangin Mayor's Cup

10th February, 2023

Aizawl Day 2023 puala buatsaih Mayor's Cup - Inter Ward Football Tournament chu vawiin aṭangin RG Stadium-ah khelh ṭan a ni dawn. Inkhel hi LPS HD Channel-ah live a ni ang.

Mayor's Cup-ah AMC hnuaia Ward 19-in team an nei vek thei a, team 13-in last 16 an lut nghal. Team ruk dangin first round aṭangin an khel dawn a, vawiin hian first round khelh zawh nghal a ni ang.

Match hmasa berah Ward No. XVII (Venghlui, Republic Veng, Republic VT leh Upper Republic) leh Ward No. X (Chawnpui, Zotlang, Zonuam leh Govt Complex) te an inkhel ang.

Chhun dar 12:00-ah Ward No. XIV (Khatla, Khatla East, Khatla South, Mission VT) leh Ward No. XVIII (Salem Veng, Venghnuai, Model Veng, Thakthing, ITI Veng, Dam Veng) te an inkhel zui ang.

Tlai dar 2:00-ah Ward No. VIII (Armed Veng, Armed Veng South, Chite Veng) leh Ward no. IV (Ramhlun South, Ramthar, Ramthar North leh Aizawl Venglai) te an inkhel bawk ang.