Mizoram taekwondo team feh chhuak

National Senior Taekwondo Champion-ship vawi 38-na chu February 10-12 chhung hian Puducherry-ah neih a ni dawn. Inelna hmachhawn tur hian Mizoram Taekwondo Senior Team chuan nimin khan Aizawl an chhuahsan.

Mizoram Senior team te hi MATA Hall leh SAI-ah te electronic system training kalpui a ni a, thla khat chhung inbuatsaih nan hun an hmang. SYS coach Joseph Thansanga, Joseph Lalsiama leh SAI coach Veera ten uluk takin an hrual a ni.

Mizoram aiawha khel turte hi kyorugi khel tur mipa pasarih leh hmeichhia pahnih an ni a. Poomsae khel tur mipa pathum leh hmeichhia pakhat an ni bawk. Poomaae-ah hian individual mipa leh hmeichhia bakah Pair leh Team-ah te an chhuak bawk ang.