Thawhṭanni zingah Super Bowl LVII

Super Bowl LVII chu Thawhṭanni zing dar 5:00 hian University of Phoenix Stadium, Arizona-ah Philadelphia Eagles leh Kansas City Chiefs ten an khel dawn. Super Bowl-a Cheifs hruai thlengtu quarterback Patrick Mahomes chu 2022 season MVP atan thlan a ni a, kum 27 mi Mahomes hian kum 2018 khan regular season MVP chawimawina hi a lo dawng tawh bawk a ni.

Nikum Super Bowl khan Los Angeles Rams chuan Cincinnati Bengals chu 23-20 in an hneh a, kuminah erawh team pahnih hian Super Bowl an thleng zo lo. Super Bowl vawi 56-naah Rams wide reciever Cooper Kupp chu MVP atan thlan a ni.

Khawvelin an sawi zui erawh halftime laia 90s chhoa zaithiam/rapper lar Dr. Dre, Snoop Dogg, Eminem, Mary J. Blige, Kendrick Lamar, 50 Cent leh Anderson Paak te chevel kha a ni. Tun ṭumah hian national anthem chu Chris Stapleton-a'n a sa dawn a, halftime show-ah Rihanna a che thung ang.