Mayor's Cup ṭan a ni ta

Nimin khan RG Stadium-ah Aizawl Day 2023 puala buatsaih Mayor's Cup - Inter Ward Football Tournament chu khelh ṭan a ni. Match hmasa berah David Zohmangaiha bial Ward No. XVII chuan harsatna nei loin Chuauzikpuii bial Ward No. X chu 3-1 in an hneh.

Inkhel pahnihnaah Malsawmzuala Ralte bial Ward No. XVIII chuan Baryl Vanneihsangi bial Ward No. XIX chu 3-0 in an sawp. Match hnuhnung berah Laltlanzova Khiangte bial Ward No. IV chuan Christina Roluahpuii Sailo bial Ward No. VIII chu 3-0 in an hneh ve bawk.

Nimin inkhel hi first round a ni a; Ward No. XVII, Ward No. XVIII leh Ward No. IV te hian last 16 an lut chiah a ni.