Mayor's Cup; Vawiin aṭangin Last 16

11th February, 2023

Aizawl Day 2023 puala buatsaih Mayor's Cup - Inter Ward Football Tournament chu vawiin aṭangin last 16 khelh a ni dawn. Inelna hi RG Stadium-ah khelh tur a ni a, LPS HD channel-ah live a ni ang.

Chawhma dar 10:00-ah Ward No. VII (Zemabawk, Zemabawk North, Falkland leh Thuampui) leh Ward No. XVI (College Veng, Bethlehem leh Bethlehem Vengthlang te an inkhel dawn.

Chhun dar 12:00-ah Ward No. XV (Nursery, Maubawk, Lawipu, Bungkawn Veng leh Bungkawn Vengthar) leh Ward No. I (Muanna Veng, Selesih, Durtlang, Durtlang North, Durtlang Leitan leh Zuangtui) te an inhmachhawn dawn.

Match hnuhnung berah Ward No. V leh Ward No. XI te tlai dar 2:00-ah an inkhel dawn. Ward No. V-ah Electric Veng, Chanmari leh Zarkawt te an awm a, Ward XI-ah Luangmual, Chawlhmun, Tanhril, Sakawrtuichhun, Rangvamual, Phunchawng leh Tuivamit te an tel a ni.