Djokovic dinhmun a chiang lo

Novak Djokovic chu Indian Wells tournament khel tur zingah a hming tarlan a ni a, mahse Serbian star hi United States lamah a zin lut thei dawn em tih erawh tun thlengin a la chiang thei rih lo.

California chhim lam thlalera neih ṭhin ATP 1000 event-ah hian vawi ruk ngawt Djokovic hi a champion tawh, mahse kum 2019 hnu lamah he hmunah hian a la inkhel leh miah lo a ni.

Season ṭhenkhatah chuan hliam vangin a inlan lo, tun hnai bikah erawh Covid-19 vaccine a lak duh loh vangin US-ah a zin thei lo, hei vang hian kuminah pawh a dinhmun a chiang lo leh mek.

US sorkar chuan khual zin tana dan an siam hi May thlaah tih tawp an tum tih an lo sawi tawh. Mahse, Indian Wells hi March 9 aṭanga khelh tur a ni thung ang.