Saints-in Jones an ban

Southampton chuan an manager Nathan Jones chu thla thum hnu lekah an ban. Saints hian Inrinni zan khan player 10-a khel Wolves 2-1 in an hneh lo a, Jones hian a hna a chan phah.

Kum 49 mi Jones hian November 10 khan Saints enkawl hna hi a thawk ṭan a, inelna hrang hrang match 14 aṭangin vawi kua ngawt a chak lo. Southampton hian Premier League match kuaah vawi riat an chak lo a, an mual St Mary's Stadium-ah match zawnin vawi li an chak lo bawk.

Saints hian February 4 khan Brentford 3-0 in an hneh lo a, Bees ṭantuten, "Naktukah an ban dawn che," tiin an au el a, kar khat hnuah Welsh manager Jones hi an ban. Southampton hian point 15 hmuin table mawngphahah an awm mek.