Zaninah Electric Veng Vs Speed Force

Hero Futsal Club Championship-ah Mizoram aiawh tel Electric Veng Futsal Club chuan zanin dar 7:30 hian KD Jadhav Hall, Delhi-ah Speed Force an hmachhawn dawn. Hyderabad club Speed Force hian match hmasa pathumah khingpui hneh vekin an group-ah hmahruaitu an ni.

Mizo club pawhin match hmasa pahnihah Ladakh club Dzawo 11 FC (10-2) leh Sports Odisha (5-2) te an hneh tawh. Inrinni khan Electric Veng leh Techtro Swades United FC te inkhel tur an ni a, amaherawhchu stadium bulah India prime minister Narendra Modi-a'n programme a neih avangin an sawn a ni.