India-in mikhual Australia an sawp

Test match vawi li khelh tura hmasa berah India chuan mikhual Australia chu inning khat leh 132 runs-in an sawp. February 17-21, 2023 inkar hian Arun Jaitley Stadium, New Delhi-ah Test match vawi hnihna hi khelh a ni ang.

VCA Stadium, Nagpur-ah Australia-in bat hmasak an thlang a, captain Pat Cummins-a'n thutlukna a siam fuh lo. India bowler-ten Australia hi 177 runs lek an siam tihin an vawm hlum vek.

Aussies opener David Warner leh Usman Khawaja ten run khat ve ve bak a siam an lo a, world no. 1 Test batsman Marnus Labuschagne chu world no. 1 Test all rounder Ravindra Jadeja-a'n 49 runs a siam tihin a vawm hlum.

Nikum September thlaa zai pui tawk Jadeja hian 47 runs chauh pein wicket nga lai a la. India bat hun a thleng a, captain Rohit Sharma chuan 120 runs siamin Men In Blue captain ni chunga inelna pathum T20, ODI leh Test-a century siam thei hmasa ber a ni.

Batting-ah pawh Jadeja bawk a rawn che ṭha a, 70 runs a rawn siam pha a, mualneitu hian 400 runs an siam. Australia bat hun a thleng leh a, Ravichandran Ashwin an ngam lo. Ashwin hian 37 runs chauh pein wicket nga la a, Aussies hian 91 runs chauh an siam tihin an thi fai vek a, India target chhawpsak hi inning khat leh 132 runs-in an pha lo.