City hnehtu Spurs an tlawm leh nghal

Tottenham Hotspur-in Manchester City 1-0 in an hneh a, harhtharna an chang anga ngaih theih ni mah se Inrinni zan khan Leicester City lakah 4-1 in an tlawm.

King Power Stadium-ah Spurs tan Rodrigo Bentancur-a'n minute 14-naah goal hmahruai a khung a, goal dang an khung belh tawh lo - Foxes-in goal li an

khung zawk.

Mualneitu hian first half chhungin Nampalys Mendy, James Maddison leh Kelechi Iheanacho te goal hmangin an lehthal a, hun tawp dawn hnaiah Harvey Barnes-a'n a khung leh bawk.

Spurs keeper Hugo Lloris a inhliam a, French keeper aia lut Fraser Forster-a'n goal li a chhuah. Sporting Lisbon aṭanga an lakluh Pedro Porro-a'n bul a ṭan a, beisei a pha lo. Buaina belhchhah turin goal khungtu Bentancur a inhliam.

Tottenham hian February 14, Thawhlehni zanah Milan nen UCL last 16 an khel dawn a, February 19, Pathianniah Newcastle leh Chelsea chelh theitu West Ham an hmachhawn dawn. Antonio Conte leh a hote tan hmabak a hautak hle.