England cricket captain hlui a chawl

England cricket captain hlui Eoin Morgan chuan nimin khan inkhelh a chawlhsan thu a puang. Kum 36 mi Morgan hian nikum June khan ram tana inkhelh a chawlhsan tawh bawk - ODI, Test leh T20 international bakah club inelnaah pawh kan hmu tawh dawn lo tihna a ni.

Morgan kaihhruaina hnuaiah England chu kum 2019 khan Cricket World Cup-ah an champion a, ODI leh T20-ah pakhatna dinhmun an luah bawk. Three Lions tan Morgan hian ODI-ah 6,957 runs siamin run siam tam ber a ni a, T20-ah erawh tuna captain ni lai Jos Buttler chu run siam tamah a tluk lo.

Dublin-a piang Morgan hian The Hundred-ah London Spirit tan captain hna a chelh tawh a, Kolkata Knight Riders tan a captain tawh bawk. Kum 2019-a England a champion pui bakah hian kum 2012-a Three Lions-in T20 World Cup an champion khan a tel bawk.