Champhai hian theihtawp kan chhuah dawn - Richard

Mizoram Super League season 8-ah Aizawl khawpui pawn lam aṭangin team an awm, an hming chu Champhai District Basketball Association an ni. Anni hian MSL-ah team tikimtu nih mai an duh lo, a ṭha zinga mi nih an tum.

Champhai hian an match hmasa berah Khatla TBL an hneh lo, vawiin tlai dar 5:00 hian Tuikual South nen an match hnihna an khel ang. A sang pali zinga tel phak tur chuan a zawna tlawm a fuh lo ang.

Champhai District Basketball Assosication hnuaia din - MSL managing board secretary Richard Lalropuia chuan, "Theihtawp kan chhuah dawn, chumi tur pawh chuan kan inbuatsaih a, semifinal khelh phak ngei pawh kan tum dawn.

"Kan match hmasaah kha chuan state pawn aṭanga kan chah luh player kha an rawn thleng hlim chauh a ni a, tunah chuan a boruak a danglam tawh kan beisei," tiin Vanglaini a hrilh.

Nigerian tlangval Agu Stanley Chiedozie leh Mumbai lam mi Pratik Prashant Bhadalekar te an nei a, anni pahnih hi an chhawr thiam a nih chuan point hnih hmuh an beisei ngam ang.