Vawiin aṭangin MiSDA MPLU18 khel ṭan dawn

MiSDA Mizoram Premier League Under 18 chu vawiin aṭangin khelh ṭan a ni dawn. MPL Under 18-ah hian MPL club pariatte an inel ṭhin a, he inelna aṭang hian footballer hlawhtling ṭhahnem tak an chhuak tawh. Chung zingah chuan Jerry Mawihmingthanga leh Lalengmawia Ralte (Apuia) te an tel a ni.

Inelna hi 1st Bn MAP Ground, Armed Vengah khelh ṭan a ni dawn a, match hmasa berah champion lai FC Venghnuai leh record nei ṭha Chanmari FC te chawhma dar 11:00-ah an inkhel ang.

Chawhnu dar 1:00-ah Chhinga Veng leh Mizoram Police te an inkhel ang. MPL U18-ah hian team pariatte hi ṭum dangah chuan vawi khat ṭheuh an inkhel chhuak ṭhin a, kuminah erawh vawi hnih ṭheuh an inkhel chhuak dawn. Vawi hnih ṭheuh inkhelh chhuah zawhah a sang pahnihin final an khel ang.