Mizoramin medal pali an la

National Senior Taekwondo Championship vawi 38-na neih zawh takah Mizoram Taekwondo team chuan silver medal pakhat leh bronze medal pathum, a vaiin medal pali an hlawh chhuak.

February 10-12 chhung khan Puducherry-ah inelna hi neih niin Mizoram team medal lakna hi poomsae huangah vek a ni.

H. Vanlalfela, Armed Veng South leh Vanlalhmangaihzuali, Kolasib te ṭangdunin silver medal an la. Final round-ah hian mi pariat an inel a, point 64.2 hmuin an chunga awm SSB (point 64.5) nen an inhnaih hle.

Mimal inelna lamah - mipa leh hmeichhe huanga khel Lalthlamuanpuia (Venghlui) leh Vanlalhmangaihzuali (Kolasib) ten bronze medal an la. Mipa team Lalthlamuanpuia, Daniel Lalhumthanga, H.Vanlalfela te ṭangho chuan bronze medal an la bawk.

National Senior Championship-ah hian  state hrang hrang 35 leh central services pasarih an tel a ni.