Chennaiyin an chak ve ta

Indian Super League-a match riat zet a zawna an chak zawh loh hnuah Chennaiyin an chak ve ta a, South Indian club hian Pathianni zan khan East Bengal chu 2-0 in an hneh.

Chennaiyin tana goal khungtu zingah Lalchungnunga a tel a, mahse, Mizo defender hi East Bengal tana khel a ni thung - Anirudh Thapa ball cross chu dan a tumna lamah Kwame Karikari-a'n lo tibuai bawkin, an lamah a tilut a, Rahim Ali chuan goal khat a thawh bawk. Kolkata club tan Chungnunga bakah Jerry Lalrinzuala chuan inkhel bul a ṭan bawk.

Zaninah ISL inkhel pakhat a awm leh dawn a, Odisha laka tlawm hlim Hyderabad chuan zan dar 7:30-ah ATK Mohun Bagan an mikhual ang - Bagan hi table-ah palina an ni mek a, playoff khel lo thei dinhmunah an la ding reng.