Sudeva chakna Aibawk rawlthar

Thawhṭanni zan khan I League table mawngphaha awm pahnih Sudeva Delhi leh Kenre te an inkhel a, Cooperage Ground-ah mikhual Sudeva-in 3-1 in hnehna an chang a, Mizo tlangval R. Lalbiakliana'n goal pawimawh a khung.

Aibawk rawlthar Biaktea hian I League club-a a khelh hma hian tualchhung football-ah sulhnu lian tham a hnutchhiah lo. Kum 2017 khan Delhi club hian Aizawlah trial an rawn nei a, hetah hian Biaktea hi a inpet tling.

Biaktea'n football zir tura Delhi a pan hian kum 13 mi chauh a la ni a, tunah hian kum 18 chauh niin I League-ah goal a khung der tawh.

Vawiin tlai dar 4:30 hian Rajasthan FC leh Gokulam Kerala te an inkhel dawn a, champion lai Gokulam tan nomawi humhim a harsa tawh ang.