Mayor's Cup Team an intluk tawk

Nimin khan Aizawl Day 2023 puala buatsaih Mayor's Cup - Inter Ward Football Tournament chu RG Stadium-ah khelh chhunzawm a ni. Quarterfinal lut tur team pariat a hriat kim a, team hnih chiah a chiang tawh lo.

Ward No. VII, Ward No. I, Ward No. V, Ward No. XII, Ward No. IV leh Ward No. VI ten quarterfinal hi an lut tawh. Vawiin hian last 16 khelh zawh a ni dawn.

David Zohmangaiha bial Ward No. XVII-in vawiin chawhma dar 11:00-ah Lalringliana bial Ward No. II an hmachhawn dawn. Ward XVII-ah football thiam veng Republic Veng an awm a, Ward No. II-ah Bawngkawn an awm ve bawk - a hmuhnawm ang.

Chawhnu dar 1:00-ah Malsawmzuala Ralte bial Ward No. XVIII leh B. Lallawmpuii bial Ward No. IX te an inkhel ang. Ward No. XVIII hi coach Lalrindika Hmar enkawl a nih bakah Venghnuai leh Salem Veng-te an awm a, chutihrualin Ward No. IX hi S. Malsawmtluanga (Mama) enkawl niin Chhinga Veng an awm - chak tur rin thiam a har hle.