Electric Vengin Mizo 7 telna Delhi hneh lo

Hero Futsal Club Cham-pionship-ah Electric Vengin match hmasa pathuma hnehna an chan hnuin nimin tlai khan champion lai Delhi Football Club lakah 11-4 in an chak lo.

Inelna hi KD Jadhav Hall, Delhi-ah neih a ni a, Mizo club hian Delhi FC an hmachhawn hma hian February 13, Thawhlehni zan khan group hmahruaitu Speed Force FC an hneh.

Inkhel hmuhnawm bikah Electric Veng an chungnung a, 8-7 in Speed Force lakah hnehna an chang. Mizo club-in hnehna an chan theih nan coach leh player nikawp Lalhlimpuia'n (Tat-a) hattrick a siam a; Samuel Lawmsiamkima, Lalsangkima, H. Lalrinzuala, Zomuanpuia leh Jonathan Lalrawngbawla ten goal khat ṭheuh an khung.

Nizanah erawh Electric Veng hian an khingpui la hneh vektu Delhi FC an ngam ta lo. Mizo club tan Tat-a che ṭha leh a, centre aṭangin Delhi keeper chip khum hial mah se chak nan a tawk lo. Electric Veng chak lo mah se an hneh loh Delhi-ah hian Mizo an ṭhahnem.

Delhi-ah hian Mizo pasarih David Laltlansanga, Lalremruata, Isac Zomuanpuia, Jojo Zaihming-thanga, K. Roluahpuia, Lalpek-hlua leh George MS Dawngliana te an awm a ni.