United-ah Sabitzer a hlim

Manchester United-in Marcel Sabitzer chu January thla khan loan hmangin Bayern Munich aṭangin an lalut a, Austria international hi Premier League-ah match thum a inlan tawh.

Kum 28 mi Sabitzer chuan, "Man United-a ka khelh theihna chhan hi loan a ni a, helai hmunah hian ka hlim. He team hi ka ngaina a, Old Trafford boruak pawh nuam ka ti. Nipuiah eng nge thleng dawn tih erawh hunin a hril ang," tiin a sawi.

Manchester United hian February 16, Ningani zan hian Nou Camp-ah Barcelona nen Europa League knockout playoff an khel dawn. Sabitzer erawh Bayern tan Champions League group stage-ah yellow card vawi thum a hmuh avangin hrem vangin a khel thei dawn lo.