Raducanu tan Indian Wells wildcard

March thlaa khelh tur Indian Wells chuan duhsak takin Emma Raducanu chu wildcard an pe. British tleirawl hi a ranking a hniam avangin qualifier khelh ngai tur a ni, mah se wildcard a hmuh avangin inelna pangngai chin aṭangin a inlan thei ang.

Kum 20 mi Raducanu hian US Open 21 nomawi a chawi a, a lakah beiseina sang chho viau mah se hlawhtlinna chan leh mai a harsat. Australian Open khelh zawh takah khan round hnihna lekah Coco Gauff a hneh lo, a hnu lamah a la inkhel leh lo a ni.

World number 80 Raducanu hi season hmasa Indian Wells-ah khan second round-ah a tla, tun hnai a result neih dan chhut chuan kuminah pawh champion tura rinkai zinga mi a ni phak dawn lo. Tournament hi March 6-19 chhungin khelh a ni ang.