Sinner tan title pasarihna

Tennis inelna Open Sud de France Open-ah Jannik Sinner chuan Maxime Cressy chu 7-6(3), 6-3 a hnehin a champion.

Italian tlangval hi seeded pahnihna pek a ni a, tun tournamnet-ah hian set hloh miah loin a champion. Sinner hian tennis a khelh hun chhungin final vawi riat a lut tawh a, heng zinga pasarihah hian a champion thei.

Kum 21 mi Sinner chuan, "Service a fuh hi chuan hna chanve kan zo tia sawi theih a ni, tun inelna kan hman chhung zawngin service ṭha tak ka nei thei a, chu chu ka chakna hnar pawimawh a ni," tiin a sawi.