Abu Dhabi-ah Bencic a champion

Olympic hmeichhe tennis champion Belinda Bencic chuan Liudmila Samsonova hnehin Abu Dhabi Open nomawi a chawi, tennis a khelh hun chhunga nomawi pariat a chawina a ni.

Kum 25 mi Bencic hian 1-6, 7-6(10-6), 6-4 in hnehna a chang, a khingpuiin championship point vawi thum a hmuh tawh chu a pawtthla leh vek. Set hnihna tie break an khelh laiin dinhmun ṭha lo taka a awm hnuah a tho chhuak leh hram.

World number 9 Bencic chuan, "Kan inhnehtawk em em a, a tu zawk pawh chak ni ila thil mak a ni lo," tiin a vannei zawk a nih thu a sawi, final kalkawngah hian a zawna vawi li a ngam loh Liudmila Samsonova pawh a hneh.