WC2026 khel tur ram 3

'Khawvela ennawm ropui ber' tih hiala hming lem an pek, FIFA World Cup 2026 chu United States, Mexico leh Canada ten an inthlen ṭawm dawn a, ram pathum hi World Cup 2026 khel tur hian an tlin nghal thu FIFA chuan a puang.

World Cup thlengtu hi qualifier khelh ngai loa tling nghalah puan ṭhin an ni a, mahse, tun hmain World Cup hi ram pathumin an la inthlen ṭawm ngai lo - hei vang hian ram pathumin World Cup an khel vek ang em, tih zawhna a awm a, tunah chuan engkim a chiang ta.

Nikum thleng khan World Cup-ah hian ram 32 inel ṭhin mah se World Cup 2026 aṭang chuan team 48 an inel tawh dawn a, CONCACAF aṭang hian inelna thleng tur ram pathum bakah ram pathum dang chu qualifier kaltlangin an inlan ve leh ang.