Kings lakah Suns an chak

Nimin zing NBA regular season inkhelah Phoenix Suns chuan Sacramento Kings 120-109 in an hneh. Suns tan player thar Kevin Durant chu hliam vangin a la inkhel thei lo a, mual sir aṭangin a ṭhiante inkhel hi a lo ṭawiawm.

Suns tan hian Devin Booker-a'n point 32 neiin ani aia nei hnem an awm lo, a teammate Deandre Ayton leh Chris Paul ten double-double an nei bawk a, hnehna an chan theih nan an thawhhlawk hlawm hle.

Durant hian Brooklyn Nets aṭangin Suns hi a zawm a, a khup hliam vangin a chawlh a la ngai. Tun kar tawpa All Star Game an khelh hunah pawh a inlan theih a la beisei awm loh a, playoff chinah chuan inkhel thei tura beisei a ni thung.

Suns hi vawi 32 an chak ta a, ṭum 27 an chak lo thung. Western Conference table-ah palina an ni mek a, playoff khel turin an dinhmun a ṭha, chak lo Kings hi table-ah chuan Suns chungah an la awm.