Electric Vengin semifinal an lut

Hero Futsal Club Championship-ah Electric Vengin champion lai Delhi FC an hneh loh hnuin an insiam ṭha nghal a, Bengaluru FC chu 5-2 in an sawp. Mizo club tan hian Lalhlimpuia'n (Tat-a) hattrick a siam bakah Samuel Lawmsiamkima leh Lalrosanga ten goal khat ve ve an khung bawk.

Electric Veng hian match nga an khelh tawh aṭangin vawi li an chak a, match khat khelh hmabak la nei chungin semifinal an lut. Mizo club hi Speed Force nen point 12 ve ve an hmu a, Electric Veng hian Speed Force hi an hneh tawh bakah Hyderabad club ghian an khelh tur ang an khelh zawh tawh avangin semifinal lut tur hi a chiang.

Group A aṭangin champion lai Delhi FC leh Electric Veng ten semifinal an khel dawn a, Mizo club hian vawiin tlai dar 2:30 hian Techtro Swades United FC nen group match hnuhnung ber an khel ang.