Tulsidas Balaram a thi

Indian football huanga hmun pawimawh changtute zinga mi Tulsidas Balaram chu nimin khan Kolkata-ah a thi, kum 87 mi a ni.

Thla hmasa khan Apollo Hospital-ah dah luh a ni a, a taksa peng hrang hrang ṭha lo a awm nual a, a dinhmun a ṭhat loh vangin ICU-ah dah ni mah se a nunna an chhan zo lo.

Balaram hian 1956 leh 1960 khan Olympic a khel. Coach ropui Syed Abdul Rahim kaihhruaina hnuaiah 1962 khan Asian Games gold medal an la, champion tur hian final-ah South Korea 2-1 in an hneh.