Kumina a vawi khat nan Thiem a chak

Dominic Thiem chuan kumina a vawi khat nan hnehna a chang. Argentina Open khelh laiah Thiem hian Nilaini zan khan Alex Molcan chu 7-6 (4), 6-3 in in a hneh a, nizan khan Juan Pablo Varillas nen inkhel zui lehin result kan hre hman lo thung.

Thiem hi banrek hliam vangin rei tak a chawl a, a dam hnuah dul hliam vangin a buai leh bawk. Austrian tlangval Thiem hian US Open nomawi a chawi tawh a, world number 3 hial pawh a lo ni tawh. Inhliam vangin Thiem hian beisei a phak lo a, kum 2016 leh 2018-a a champion-na hmun Buenos Aires khawpuia clay court inelnaah hian nomawi chawi leh a tum dawn ni.

World number 1 hlui Carlos Alcaraz a inlan bawk a, champion lai Casper Ruud erawh a inlan lo thung.