Aizawl FC an chak lo

Nimin tlai I League inkhelah Aizawl FC chuan anmahni ang bawka hmarchhak team TRAU chu 3-1 in an ngam lo.

Khuman Lampak Main Stadium-a inkhelah, Manipur club TRAU tan Fernandinho-a'n minute rukna lekah goal a khung ṭan a, amah ang bawka Brazilian player Gerson hmangin an khung belh.

Mizo club tan R. Ramdinthara'n chawlhlawk hmain si phurh a sut ṭhen a, beiseina a siam thar. Mahse, second half tirah TRAU lamin Salam Johnson Singh hmangin goal an neih belh a, mikhual AFC an tlawm.

League match 17 an khelh tawhah Aizawl FC hian point 23 hmuin parukna an ni a, hnena changtu TRAU hian point 29 hmuin team 12 inel zingah pathumna dinhmun an luah mek thung.

Aizawl FC hian an match lehpek atan February 21, Thawhlehni hian khualmualah Real Kashmir an hmachhawn leh dawn a, tun thla tawpah Gokulam Kerala an lenchilh leh dawn bawk a ni.