BCA an la chak vekBCA an la chak vek

Mizoram Super League season 8 khelh laiah, champion lai Zarkawt BCA chuan match thum an khelh tawhah hnehna an la chang vek. BCA hian Ningani zan khan Tuikual South chu 97-84 in an hneh.

R. Dengṭhuama Indoor Stadium, Mualpuia inkhelah BCA tan hian Zonunsanga (23 points) chuan point a nei hnem ber a, tualchhung player ṭha Lalrina Renthlei chuan point 21 nei bawkin hnehna an chan theih nan an thawh

hlawk hle.

Tuikual South tan Nuna'n point 29 zet nei mah se hnehna chan nan a tawk zo lo. Phengphehlep hian a vawi khat nana MSL nomawi chawi an duh a nih chuan team ṭha dang elphak team an din a ngai.

Inkhel dangah Mission Veng Hotshots chuan Champhai District BBA chu 77-64 in an hneh. Champhai hian theihtawp chhuah mah se, tualchhung team ṭha dangte nena inel an nih avangin an ruh a la no deuh.

Vawiin hian a hmun ngaiah inkhel pathum a awm leh ang.