India kutah Border - Gavaskar Trophy

Border-Gavaskar Trophy-ah India-in Australia chu Test match hmasa pahnihah an hneh a, nomawi an kawl chhunzawm dawn. Test match hi vawi li khelh tur niin Men in Blue hian series la la lo mah se nomawi kawltu an nih avangin nomawi an kawl chhunzawm dawn tih a chiang tawh.

Kum 2018-2019 khan India hian Australia hi an ramah 2-1 in an hneh tawh a, 2016–17 khan Men in Blue hi 2-1 thoin an lo chak tawh bawk.

Tun ṭumah hian India-in first Test-ah Aussies hi inning leh 132 runs-in an sawp. Second Test hi Delhi-ah khelh niin first innings-ah an intum tawk hle.

Aussies hian first innings-ah 263 runs an siam a, India-in 262 runs-in an chhanglet. Amaherawhchu second innings-ah Ravindra Jadeja a rawn che ropui a, 42 runs chauh siamin wicket sarih a la. Mikhual team hian 113 runs chauh an siam.

India bowler-te chet ṭhat vangin mualneitu tan 115 runs chauh siam a ngai a, Men in Blue hian harsatna nei loin 118 runs an siam a, wicket li chauh an hloh.

Rohit Sharma hote hian first leh second Test-ah hnehna chang turin ni thum lek an mamawh. March 1-5 hian Holkar Stadium, Indore-ah third Test an khel leh ang.