Futsal final-a referee Mizo

Hero Futsal Club Championship final chu Pathianni zan khan KD Jadhav Indoor Hall-ah khelh a ni a, Electric Veng hnehtu Minerva Academy an champion. Final-ah hian Minerva leh Mohammedan Sporting te hun pangngaiah 2-2 in an inhnehtawk a, penalty shootout-ah Punjab club hi 3-1 in an vannei ta zawk.

Final-ah hian VL Rinpuia, Durtlang Leitan chu referee a ni. Rinpuia hi MFA Futsal Secretary a nih bakah MPLU18 & Under 15 League Board Secretary bakah Reliance Foundation Young Champs Naupang League-Aizawl enkawltu a ni. Tun ṭum inelnaah hian group match 10 a enkawl bakah semifinal leh final-ah match a enkawl ve ve bawk.