Swiatek-i'n nomawi a humhim

Hmeichhe tennis world number 1 Iga Swiatek chuan Qatar Open nomawi a kawl lai a humhim. Polish nula hian Jessica Pegula chu darkar khat leh minute kua chhung lekin 6-3, 6-0 in a hneh.

Swiatek hian Pegula nen an intawn tawhnaah 5-2 in hma a hruai a, record a nei ṭha hle. Tun inelnaa champion tur hian game nga chiah a hloh, season bul ṭan ṭha tawk lo mah se a insiamṭha leh tawh hle.

Kum 21 mi Swiatek chuan, "Season bul lamah khel ṭha lo mah ila he hmun aṭang hian ka nihna tak ka nei let leh ta niah ka ngai. Tun tournament hian inrintawkna sang tak min siamsak a, chutihrualin zawi muanga hmasawn reng tur erawh ka ni," a ti.