Verstappen-a'n a hlawh hnem fal

Formula 1 season an ṭan dawn hnai a, driver hlawh zirchiangtu RacingNews365 tarlan dan chuan kuminah hian Max Verstappen chuan a hlawh hnem fal dawn hle.

Red Bull driver hian kum 2028 thleng daih contract a nei mek, season hman turah bik hian pound maktaduai 45 teh meuh a hlawh dawn, intlansiak lawmman leh sumdawnna lama lakluh tur nen chuan nasa takin a la pun belh thei dawn.

Mercedes car khalhtu Lewis Hamilton chu pahnihnaah a awm, ani hian pound maktaduai 29 a hlawh dawn thung. Sumdawnna zawng zawng nena belhkhawm hnuah chuan Hamilton sum lakluh hi a pung nasa dawn a, a chunga awm Max a khum loh pawhin an inkar a zau lo ang.

Khawvela car intlansiakna sang leh ngaihhlut ber hi March 5, Pathianni aṭangin an tlan ṭan dawn. Inelna hmasa ber atan Bahrain International Circuit-ah Bahrain Grand Prix an tlan dawn a ni.