Rio Open-ah Thiem a chak lo

Dominic Thiem tan khua a var thei rih lo a ni ber mai. Thawhṭanni zan khan Rio Open-ah a match hmasa ber a khel a, a khingpui Thiago Monteiro lakah 6-1, 3-6, 7-6 (7-2) a chak loin a zinkawng a tawp nghal.

Austrian star hian theihna a nei, mahse hliam na tak vanga a chawlh vang vang hnuah ngai a la awh leh thei lo. Kar hmasa khan Argentina Open-ah a inlan a, match hmasa berah chak ve mah se a dawtah a chak lo.

A vanglai chuan world number 3 hial a ni a, kum 2020 khan US Open nomawi a chawi bawk. Tunah chuan world ranking-ah pawh 96-na a ni dawrh tawh a, kum 29 mi a nih tawh avangin thawhchhuah a harsa tawh mai thei.

Thiem chuan, "Argen-tina Open ai kha chuan ka khel ṭha zawkin ka hria, mahse ka chak chuang si lo. Inrintawkna nei let leh tur chuan hmabak ka la ngah hle a ni, thil theih loh erawh a ni bik lo," tiin beisei a la neih thu a sawi.

Rio Open-ah hian Carlos Alcaraz pawh a inlan, world number 2 hian a match hmasa ber atan Mateus Alves a hmachhawn thung dawn a ni.