Champion lai FC Venghnuai-in Police an sawp

MiSDA Mizoram Premier League Under 18-ah champion lai FC Venghnuai chuan match hmasa berah Chanmari FC hneh lo mah se an match hnihnaah an insiamṭha a, nimin khan Mizoram Police FC chu 3-0 in an sawp.

Inelna hi 1st Bn MAP Ground, Armed Vengah khelh a ni a, nimin inkhel dangah Aizawl FC chuan FC Bethlehem 4-1 in an sawp a, I League club rawltharte hi match hnihah la chak ve vein hmahruaitu an ni.

Aizawl FC hian February 23, Ningani hian anmahni ang bawka point ruk hmutu Chanmari FC an hmachhawn dawn a, hmahruaitu tur zawnna inkhel pawimawh a ni ang.

MPL U18-ah hian team tin hi vawi hnih an inkhel kual dawn a, a sang pahnihin March 22 hian final an khel ang.