Warner a inhliam

Australia opener David Warner chuan concussion a neih bakah a kiuah hliam a tawrh avangin India nena an khelh tur Test hnuhnung pahnihah a inlan thei dawn lo.

Kum 36 mi Warner hi Delhi-a khelh second Test-ah khan ball-in a helmet a per a, hemi avang hian Matt Renshaw-a'n a thlak. Hemi hma hian ball-in a kiuah a per bawk.

India leh Australia hian Test match vawi li an khelh zawh hian ODI match thum an khel leh dawn a, Cricket Australia chuan Warner hi ODI-ah a inlan theih an la beisei.

Men in Blue hian Test match vawi hnih an khelh tawhah chiang takin hnehna an chang ve ve a, March 1-5, 2023 chhung hian Test match vawi thumna khelh leh a ni ang.