Trabzonspor coach thar Eddie Newton

Chelsea midfielder hlui Eddie Newton chu Turkish club Trabzonspor chuan an coach nghet ni turin an lalut a, Turkish Cup-a a champion pui hlawh a hmu nghal. 

Blues tana 1990-1999 inkara khel Newton hian inkhelh a chawlhsan hnuah Chelsea-ah kum riat hun hmangin coaching staff zingah a tel a, assistant manager hna vawi hnih an chelhtir. Kum 48 mi Newton hian Trabzonspor-ah hian manager lailawk dinhmun chelhin a match enkawl pahnihah a chakpui a, pakhat zawkah hian Turkish Cup final khelin Alanyaspor chu 2-0 in an hneh a ni. 

Roberto di Matteo hnuaia assistant coach a nih laia Blues tana Champions League leh FA Cup nomawi lo chawi tawh Newton chuan, "Head coach nih tum hian ka hun vawi tam ka lo hmang tawh a, England-ah chuan a thleng dawn loa ka hriat avangin ram pawn ka pan a ni. 

"Ram danga ka awm hnuin thla ruk hnuah coach lailawk ka ni nghal. Ka nun pum hi football tan ka hman avangin he hmunah hian chance ka nei zawk ang tih ka hrethiam a, ka hun ṭha neih hi ka bawh pelh phal lo a ni," a ti a, England aiin ram pawnah midum coach tan hmun a awm zawk thu a sawi. England professional league-a top club 92 zingah mi ngo ni lo coach paruk chiah an awm a ni.