Zaninah Veteran Football tie draw

G90's buatsaih GIG Motors Veteran Football tournament chu zanin dar 8:00 hian Ignite Studio, Khatla-ah kick off a ni dawn a, tie draw neih a ni nghal ang. Zanin programme hi LPS 10 leh Zonet Bawhbelah tih chhuah a ni ang.

Kick Off-ah hian I&PR minister Pu Lalruatkima chu khuallian a ni dawn. Tie draw hi Mizo football legend S. Malsawmtluanga'n (Mama) a buaipui dawn a, coach leh player langsar ṭhin H. Vanlalthlanga, F. Zakhuma, Zorammawia Sailo, Ari Benjamin LR Hmar, HC Zarzoliana, Jerry Zirsanga, Vanlalrova leh Malsawma ten tie draw hi an nei ang.

Inelnaah hian team 21 an inziaklut a, inelna hi March 4, Inrinni aṭangin MZU Ground-ah khelh ṭan a ni ang. March 16, Ninganiah RG Stadium-ah final khelh tura ruahman a ni.