Aibawk rawlthar Biaktea che ṭha zel

I League-ah Aibawk rawlthar R. Lalbiakliana a che ṭha zel a, Sudeva Delhi forward Biaktea hian match thum chhung a zawnin goal a khung ta.

Nimin tlai khan table mawngphaha awm Sudeva Delhi chuan an mual Chhatrasal Stadium, North Delhi-ah mikhual Trau chu 4-1 in an sawp.

Biaktea hian minute 32-naah goal hmahruai a khung a, Aibawk rawlthar hian match thum chhungin goal a khung a ni ringawt lo - a goal khung hi goal hmahruai vek a ni.

Sudeva tan Seilenthang Lotjem-a'n khung belh lehnghalin Bidyananda Singh hmangin Trau-in siphurh sut ṭhen mah se second half-ah Delhi club hian Alexis Gomez penalty leh Theko Carlos Pao goal hnih an khung belh.

Sankarlal Chakraborty hote

hian match 18-ah point 12 chauh hmuin table mawngphahah la awm mah se tun hnaia an chet ṭhat avangin an chunga awm Kenkre

chu point thum chauhin an pha tawh lo.

Vawiin tlai dar 4:30 hian Neroca leh Rajasthan FC te an inkhel danw a, Mizo club Aizawl FC chuan February 25, Inrinni hian Gokulam Kerala an hmachhawn ang.