Chhani'n gold medal a la

Khelo India Senior, Junior & Youth National Ranking Women Tournament neih laiah Lalchhanhimi chuan gold medal a la. Mizo nula hi Women Senior 76kg huangah a chungnung ber.

Patliputra Sports Complex, Patna Bihar-a inelna neihah Chhani hian - snatch 80kg, clean & jerk 120kg, total-ah 200kg a chawi. Khawzawl nula Chhani hian tun hmain ram pum huap inelnaah pawh medal a lo hlawh chhuak nual tawh.

Mizoramah hun rei tak chhung training a nei tawh a, tunah chuan National Centre of Excellence (NCOE) Bangalore, SAI-ah a training mek a ni.