Zverev hnehtu Andy MurrayZverev hnehtu Andy Murray

Tun hnai khan Alexander Zverev-a'n a dam chian thu a sawi a, mahse tennis court-ah erawh ngai a la awh thei mai lo, amah ang bawka hliam na tak lo paltlang tawh Andy Murray a hneh lo a ni.

Qatar Open last 16 inkhelah Murray hian 7-6 (7-5), 2-6, 7-5 in hnehna a chang, player pahnih an inkhel tawh hle. Nilaini zana set thum an khelh chhung hi darkar thum a tling hial.

World number 1 hlui Murray chuan, "Theih ni se la chuan hun rei lote chhunga hnena chan ka duh, mahse chu chu thil theih a ni ngawt lo. Alexander Zverev hi player ṭha leh hmachhawn harsa tak a ni, a tawpah ka vannei zawk hram," a ti.

Britain tlangval hian a match lehpekah chuan Alexandre Muller a hmachhawn leh ang. Muller hian last 16 inkhel dangah Netherlands tlangval Botic van de Zandschulp chu 6-2, 6-4 in a lo hneh ve thung.

Grand Slam vawi thum champion tawh Murray hi khel bawr hliam vangin a buai rei hle a, tennis chawlhsan pawh a tum hman hial. Mahse, beidawng loa beiin a rawn ding chhuak leh a, player ṭha dangte hneh turin a theihna a la sang tawk tih a takin a lantir.