Swiatek tan buaina a awm lo

Iga Swiatek tan Dubai Tennis Championship-ah buaina tur a la awm lo, harsa lo takin semifinal a lut. Nilaini zan khan Swiatek hian Liudmila Samsonova chu 6-1, 6-0 in a sawp.

Polish nula hi nimin khan Karolina Pliskova hmachhawn leh tur a ni a, mahse a khingpui tur hi hliam vangin a inlan thei lo. Match thum a paltlang tawh chinah game thum chiah a la hloh, set a la hloh miah lo tihna a ni.

Inkhel dangah Aryna Sabalenka chuan champion lai Jelena Ostapenko chu 2-6, 6-1, 6-1 in a hneh a, kumina match 13 a khelh tawh chinah a la chak fai vek - Australian Open nomawi pawh kha a chawi hial.

Nizan khan American player pahnih Madison Keys leh Coco Gauff te an inhmachhawn a, result kan hre hman lo.